Fagkokk

september 21, 2025

Er du ein engasjert og dyktig kokk som ønskjer å jobbe i eit variert og fagleg sterkt miljø?

Kjøkken og kantine i Ålesund har ledig to vikariat i 100 % stilling med arbeid kvar tredje helg! Vikariata har varigheit på 6 mnd med gode muligheiter for vidare arbeid.

Seksjonen har 25 tilsette, der 14 av desse har fagbrev som kokk. Vi legg stor vekt på fagleg kvalitet og brukar hovudsakleg kok-server som produksjonsmetode, der dei fleste produkta blir laga fra grunnen av. Vi tilbyr ein variert kvardag med ulike menyar, catering og rotasjon i arbeidsoppgåver. Produksjonen føregår 365 dagar i året.

Vi ber om at attestar og vitnemål vert lasta opp som vedlegg til søknaden din.

Arbeidsoppgåver

Produksjon av varm- og kaldmat, catering, diettrettar, baking og dessertar
Produksjon av spesialdiettar etter ernæringsbehov
Kok-server og sous-vide-produksjon
Rullering mellom oppvask, matvertfunksjon, kantinedrift og varehandtering
Generelt reinhald og oppfølging av hygienekrav
Varemottak og vareplukking
Bruk av IKT-verktøy og kvalitetssystem

Kvalifikasjonar

Fagbrev som kokk
Erfaring med spesialdiettar
Erfaring med kok-server og sous-vide-produksjon
Gode norskkunnskapar, både skriftleg og munnleg

Personlege eigenskapar

Fleksibel og løysingsorientert
Evne til å arbeide sjølvstendig og i team
Bidreg til eit godt fysisk og psykisk arbeidsmiljø
Strukturert og kvalitetsbevisst

Vi tilbyr

Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir her!

Kontaktinformasjon

Hilde Karin Lehmann Valde, Seksjonsleiar, hilde.karin.lehmann.valde@helse-mr.no

Om bedriften

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Akuttsjukehusa i HMR er i Volda, Ålesund, og på Hjelset i Molde kommune. I SNR Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.

Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal

Arbeidsgiver og Jobbdetaljer

Arbeidsgiver: Helse Møre og Romsdal HF

Hjemmeside: http://www.helse-mr.no/

Kategori: Institusjon, Kafê/Kantine

Stillingsprosent: 100%

Ansettelsesform: Vikariat

Sted: ÅLESUND

Søknadsfrist: Søk snarest mulig

Søk her

Kontaktinformasjon

Navn: Hilde Karin Lehmann Valde

E-post: hilde.karin.lehmann.valde@helse-mr.no

Tlf: -